• KƏPƏZ TV
    canlı yayım
Bu günə xəbərlərin oxunma sayı: 1668
— 26.02.2024 16:17

Bakıda su nasos stansiyasından oğurluq olub, qəsəbənin bir hissəsi susuz qalıb

Bakı şəhəri Suraxanı rayonu Əmircan qəsəbəsində “Azərsu” ASC-nin 26 saylı su nasos stansiyasında oğurluq hadisəsi baş verib. Naməlum şəxs və ya şəxslər stansiyanın pəncərəsindəki mühafizə barmaqlıqlarını qıraraq içəri daxil olub, 2 ədəd elektrik idarəolunma lövhəsini sökərək oğurlayıb. Elektrik idarəolunma löhvələrinin oğurlanması səbəbindən stansiyanın fəaliyyəti dayanıb və bu gün səhər saatlarında Əmircan qəsəbəsinin bir hissəsinə içməli suyun verilməsi mümkün olmayıb. Hüquq-mühafizə orqanlarının əməkdaşları tərəfindən faktla bağlı təhqiqat və araşdırma işləri həyata keçirilir.