Bu gün Azərbaycan Ordusunda gənc əsgərlərin andiçmə mərasimləri keçirilib. Andiçmə mərasimlərində döyüş bayrağı təntənəli surətdə sıra meydanına gətirildikdən sonra tədbirlər açıq elan olunub. Gənc əsgərlər təntənəli surətdə Hərbi andı qəbul edərək Vətənə sadiq olacaqlarına söz veriblər. Müdafiə Nazirliyinin nümayəndələri və hərbi hissə komandanlıqlarıgənc əsgərlərə nizam-intizamlı xidmət etməyi, döyüş qabiliyyətlərini daim artırmalarını,torpaqlarımızın müdafiəsi naminə döyüşə hər an hazır olmalarını tövsiyə ediblər. Sonda hərbi qulluqçular təntənəli marşla tribunaların önündən keçiblər.