Həm Azərbaycan və Türkiyənin birgə təşəbbüsü ilə Cəbrayılda yaradılan “Dostluq Meşəsi” Kompleksində, həm də azad olunmuş ərazilərin əsasən mürəkkəb relyefli, sərt yamaclarında gündəlik olaraq ağacəkmə tədbirləri keçirilir. Meşələrin İnkişafı Xidmətinin rəsmisi Cabbar Qəribovun sözlərnə görə, əkinlərdə Türkiyənin Kənd Təsərrüfatı və Meşə Nazirliyinin Orman Genel Müdürlüyü tərəfindən ölkəmizə göndərilən 1000-dən çox ağac tingindən də istifadə olunur. “Dostluq Meşəsi” və ətraf ərazilərdə ümumilikdə 65 hektar sahədə 40 min tingin əkilməsi planlaşdırılır.