Sumqayıtda istehsal müəssisələrindən birində kütləvi zəhərlənmə olub. Müəssisədə işləyən 4 qadın - Behbudova Asudə Əşrəf qızı, Əliyeva Nuranə Pərviz qızı, Mahmudova Gülpəri İbrahim qızı, Yarmədova Simnarə Ağabəy qızının dəm qazından zəhərləndikləri bildirilir. Zəhərlənənlər xəstəxanaya yerləşdirilib. Həmin şəxslərdən birinə Reanimasiya şöbəsində, digərlərinə isə Təcili yardım şöbəsində zəruri tibbi yardım göstərilib, vəziyyətləri orta-ağır qiymətləndirilir. Fakt araşdırılır.