Paytaxt ərazisinə, ordan da başqa yerlərə külli miqdarda narkotik vasitə aparmaq istəyən şəxs Biləsuvarda saxlanılıb. Polis Siyəzən sakini Sədrəddin Musayevi Nərimankənd kəndində yaxalayıb. Ondan 5 kiloqram tiryək, 1 kiloqram metamfetamin və 1 kiloqramdan artıq heroin aşkarlanaraq götürülüb. Musayev narkotik vasitələri xaricdə yaşayan narkotacir vasitəsilə əldə etdiyini deyib. Şəxs barəsində həbs qətimkan tədbiri seçilib. Faktla bağlı araşdırma aparılır.