Xarici işlər nazirinin müavini Elnur Məmmədov 23-25 fevral 2026-cı il tarixlərində Cenevrədə BMT-nin İnsan Hüquqları Şurasının 61-ci sessiyasının yüksək səviyyəli seqmentində iştirak edib. O, Azərbaycan-Ermənistan normallaşma prosesi, Zəngəzur dəhlizinin regional inkişafa töhfəsi, mina təhlükəsi, itkin düşmüş şəxslər və “Böyük Qayıdış” proqramı barədə məlumat verib. Həmçinin müharibə cinayətlərində məhkəmə proseslərinin beynəlxalq standartlara uyğunluğu və Azərbaycanın beynəlxalq dialoq platforması kimi rolu vurğulanıb.BMT-nin İnsan Hüquqları Şurasının Əsassız Həbslər üzrə İşçi Qrupunun Ruben Vardanyan işi ilə bağlı Ermənistan tərəfinin iddialarının rədd olunduğu 13 mart 2025-ci il tarixində dərc olunmuş rəyində də Azərbaycan tərəfindən həyata keçirilmiş hüquqi prosedurların beynəlxalq standartlara uyğun olduğunun bir daha təsdiqləndiyi xatırlanıb.