"Qarabağ"ın baş məşqçisi Qurban Qurbanov UEFA Çempionlar Liqasının pley-off mərhələsində “Nyukasl”la cavab oyunu öncəsi mətbuat konfransında fikirlərini bölüşüb:
Qurban Qurbanov- "Qarabağ"ın baş məşqçisi: “Oyuna gəldikdə bir neçə gün vaxtımız oldu. Oyunu analiz etməyə, həm oyunun ətrafında bir xeyli düşündük. Və digər oyuna hazırlaşmağa. Ümumən belə söyləniləcək çox bir fikir yoxdur. Bəli, bizdən üstün oldular, bizi üstələdilər. Və çalışıb cavab oyununda daha diqqətli olacağıq. Daha diqqətli olmalıyıq, borcumuzdu və daha mübariz, daha məsuliyyətli olmalıyıq. Çünki həm gedəcəyimiz yol, həm rəqibin öz doğma meydanda oyunu. Pis hazırlaşmadıq ümumi. Baxmayaraq bir az psixoloji zərbə aldıq, amma hər bir halda ümumi hazırlığımız pis deyil. İnşallah çalışırıq ki, cavab oyununda özümüzü ən yaxşı tərəfdən göstərək”.
Qeyd edək ki, “Nyukasl” – “Qarabağ” oyunu fevralın 25-də gecə saat 00:00-da İngiltərədə keçiriləcək. İlk görüş 6:1 hesabı ilə başa çatıb.