Gürcüstan ərazisində qəzaya uğrayan Türkiyəyə məxsus "C-130" tipli hərbi yük təyyarəsinin həlak olan 20-ci hərbçinin nəşi də tapılıb. Bu barədə Türkiyənin Milli Müdafiə Nazirliyi məlumat yayıb. Xatırladaq ki, noyabrın 11-də Türkiyə Hərbi Hava Qüvvələrinə məxsus "C-130" hərbi yük təyyarəsi Gəncə hava limanından qalxdıqdan 27 dəqiqə sonra Gürcüstan ərazisində radarlardan itərək qəzaya uğrayıb. Qəza nəticəsində təyyarənin göyərtəsində olan, heyət üzvləri daxil olmaqla 20 hərbçinin hamısı həlak olub. Türkiyə Milli Müdafiə Nazirliyinin məlumatına görə, Türkiyədə C-130 təyyarələrinin uçuşu dayandırılıb.