Prezident İlham Əliyev Ərəb Koordinasiya Qrupuna daxil olan beynəlxalq maliyyə qurumlarının rəhbərlərindən ibarət nümayəndə heyətini qəbul edib. Dövlət başçısı Azərbaycanın Qarabağ və Şərqi Zəngəzurda apardığı genişmiqyaslı bərpa və tikinti işlərinə dəstək göstərmək niyyətinə görə təşəkkürünü bildirib, bu əməkdaşlığın dostluq və qardaşlıq münasibətlərini daha da gücləndirdiyini vurğulayıb. Görüşdə qarşılıqlı əməkdaşlığın genişləndirilməsi, birgə layihələrin həyata keçirilməsi və investisiya imkanları müzakirə olunub.