İşğaldan azad edilmiş Zəngilan, Qubadlı, Ağdam və Ağdərə rayonlarında da kənd təsərrüfatı təyinatlı torpaqların sahibkarlara icarəyə verilməsi müsabiqələrinin keçirilməsi planlaşdırılır. Bunu kənd təsərrüfatı nazirinin müavini İlhamə Qədimova bildirib. Sentyabrın 1-dən ölkə Prezidentinin fərmanına əsasən, işğaldan azad edilmiş Xocavənd, Xocalı və Laçın rayonlarında 4 000 hektardan çox ərazinin sahibkarlara icarəyə verilməsi ilə bağlı müsabiqə elan olunub və sənəd qəbulu 15 oktyabrda başa çatıb. Bu günə qədər 68 identifik müraciət qeydə alınıb.