Molla rejimi dünya çempionatında hicabını çıxaran şahmatçıdan imtina edib. “Almatıda keçirilən şahmatın rapid və blits növü üzrə dünya çempionatında başıaçıq çıxış edən şahmatçı Sara Xadem bizi təmsil etmir”. Molla respublikasının Şahmat Federasiyasının rəhbəri Həsən Təmini belə deyib. Şahmatçı hicabsız çıxışını davam etdirir. Digər şahmatçı Atusa Purkaşian da hicabsız yarışıb. *** Xalqın dirənişi fonunda molla rejiminin etirazçılara qarşı zorakılığı artmaqdadır. İran İnqilabı Keşikçiləri Korpusunun sözçüsü Ramazan Şərif ölkə xaricində fəaliyyət göstərən farsdilli medianı təhdid edib. Onların hər birinə ayrı-ayrılıqda cavab veriləcəyi ilə bağlı xəbərdarlıq edib.