Ölkədaxili qatarların hərəkəti müvəqqəti bərpa olunub.“Azərbaycan Dəmir Yolları” QSC-dən verilən məlumata görə, bayram tətili günlərində bölgələrə səfər etmək istəyən sərnişinlərin müraciət və istəkləri nəzərə alınaraq, ölkədaxili bütün istiqamətlərdə qatarların hərəkəti müvəqqəti bərpa edilib.19, 20 mart tarixlərində Bakıdan yola düşən Bakı-Böyük Kəsik, Bakı- Köçərli-Balakən, Bakı-Astara-Horadiz qatarlarına, martın 20-də isə Bakı-Gəncə sürət qatarına bir istiqamətdə bilet satışına başlanılıb. Qatarlar martın 20 və 21-də geriyə sərnişinsiz qayıdacaq.