Müəllimlərin peşə bayramı Samuxda Azərbycan təhsilinə dair kitab sərgisi ilə tanışlıqla başlayıb. Rayondakı 35 məktəbdə 8261 şagirdin təlim tərbiyyəsi ilə 1355 müəllim məşğul olur. Bu il daha 89 müəllim müxtəlif kənd məktəblərinə təyinat alıb. Toplandtıda eləcə də əldə olunan naliyyətlərə görə son illər 10 müəllimin müxtəlif ad və medallarla təltif edildiyi də vurğulanıb. Bu il isə Kəsəmən kənd ümumi orta məktəbinin direktoru Tahir Bağırov əməkdar müəllim adına layiq görülüb. Bundan başqa ilin müəllimi müsabiqəsinin mükafatçısı da var. Rayonda fəaliyyət göstərən bütün tam orta məktəblərdən ali təhsil ocaqlarına qəbulun  qeydə alınması müsbət hal kimi dəyərləndirilib. Müəllimlər bundan sonra da təhsilin inkişafı üçün səylə çalışacaqlarını diqqətə çatdırıblar. Peşə bayramında bir qrup qabacıl təhsil işçisi fəxri fərman və hədiyyələrlə mükafatlandırılıb.  

Natiq Hüseyn