ABŞ Prezidenti Donald Tramp İranla qarşılıqlı anlaşma memorandumunun imzalandığını təsdiqləyib. Tramp Fransa Prezidenti Emmanuel Makronla görüşdən sonra sənədin artıq imzalandığını bildirib. İran Xarici İşlər Nazirliyinin sözçüsü İsmayıl Bəqai də memorandumun ABŞ Prezidenti Donald Tramp və İran Prezidenti Məsud Pezeşkian tərəfindən rəqəmsal qaydada imzalandığını açıqlayıb.Məlumata görə, memorandum ABŞ və İran arasında hərbi qarşıdurmanın dayandırılması, Hörmüz boğazında normal gəmiçiliyin bərpası və yekun razılaşma üçün 60 günlük danışıqlar prosesinin başlanmasını nəzərdə tutur.İran tərəfi bildirib ki, nüvə proqramı, sanksiyaların ləğvi və dondurulmuş İran aktivlərinə çıxışla bağlı danışıqlar memorandumun imzalanmasından sonra aparılacaq.Donald Tramp həmçinin ABŞ hərbçilərinin hələ bir müddət Fars körfəzi bölgəsində qalacağını, lakin bunun müvəqqəti xarakter daşıdığını vurğulayıb. O, gələcəkdə regionda sabitliyin və təhlükəsizliyin möhkəmlənəcəyinə ümid etdiyini bildirib.