Bakı və İrəvan arasında sülhün bərqərar olması Ermənistan üçün iqtisadi inkişafın yeni mərhələsini açır. Bu barədə Baş nazir Nikol Paşinyan bu gün Ermənistanın iri işəgötürənləri ilə görüşü zamanı bildirib.Paşinyan bildirib ki, ölkə iqtisadi inkişafın yeni mərhələsinə qədəm qoyur və bu, Azərbaycanla sülh gündəliyi ilə bağlıdır.Onun sözlərinə görə, yaxın vaxtlarda TRIPP layihəsi çərçivəsində mühüm addımlar gözlənilir, həmçinin Azərbaycan ərazisindən Ermənistana dəmir yolu yükdaşımaları artıq həyata keçirilir.