İranın Ali Milli Təhlükəsizlik Şurası (AMTŞ) ABŞ üzərində qələbə qazandıqlarına dair bəyanat yayıb və Ağ Evin qəbul etdiyi şərtləri açıqlayıb.Bəyanatda ABŞ Prezidenti Donald Trampın Tehranın 10 bəndlik təklifini qəbul etdiyi iddia olunur.Donald Trump isə İranla əldə olunan iki həftəlik atəşkəs razılaşmasından sonra ABŞ-ın “tam və qəti qələbə” qazandığını bildirib.O, açıqlamasında razılaşma pozularsa əlavə addımların mümkün olduğunu deyib, İranın nüvə məsələsinin həll ediləcəyini vurğulayıb.ABŞ Prezidenti bildirib ki, İran müharibədən bezib və sülh istəyir.Bundan sonra İran yenidənqurma prosesinə başlaya bilər.İsrailin Baş naziri Binyamin Netanyahu isə ABŞ və İran arasında müvəqqəti atəşkəs haqqında razılaşmanın Livana şamil edilmədiyini bildirib.Qeyd edək ki, ABŞ və İran arasında iki həftəlik atəşkəs barədə məlumatdan sonra neftin dünya qiymətləri kəskin aşağı düşüb.