Gəncədə Avropa Kuboku regionlarda cüdonun inkişafına təkan verir.Bunu Azərbaycan Cüdo Federasiyasının icraçı vitse-prezidenti Rəşad Rəsullu deyib.Onun sözlərinə görə, Azərbaycanın beynəlxalq turnirlərə uğurla ev sahibliyi etməsi ölkənin etibarlı təşkilatçı kimi tanınmasına səbəb olub. Bu ilin oktyabrında keçiriləcək böyüklər arasında dünya çempionatı ilə diqqət yenidən Azərbaycana yönələcək.Gəncə şəhərində yeniyetmələrin Avropa Kubokunun təşkili regionlarda cüdonun inkişafına əlavə töhfə verir, gənc idmançılar üçün beynəlxalq təcrübə imkanları yaradır.Aprelin 4-5-də Gəncə İdman Sarayında keçiriləcək yarışda 11 ölkədən 286 cüdoçu iştirak edəcək. Turnirdən sonra, aprelin 6-8-də yeniyetmələr üçün beynəlxalq təlim-məşq toplanışı təşkil olunacaq.