Ali Məhkəmə 24 dekabr 2025-ci il tarixli Plenum qərarında fiziki və hüquqi şəxslərin ad hüququnu açıqlayıb.Qərara görə, bir şəxsin adı icazəsiz istifadə olunarsa, səhv və ya təhrif edilərək təqdim edilərsə, ya da addan aldadıcı məqsədlə istifadə olunarsa, bu, şəxsiyyət hüquqlarına qanunsuz müdaxilə sayılır və mülki məsuliyyət yaradır. Pozuntuya məruz qalanlar adın silinməsini, düzəliş edilməsini, anonimləşdirilməsini tələb edə, həmçinin maddi və mənəvi zərərin ödənilməsini tələb edə bilərlər. Hüquqi şəxslər isə yalnız maddi zərəri tələb edə bilər.