Milli Qəhrəman Natiq Qasımovun bacısı Kəmalə Heydərova Prezident İlham Əliyevlə Xocalı rayon ictimaiyyətinin görüşündə qardaşının qəhrəmanlığından danışıb. O bildirib ki, Natiq Rusiyada hərbi xidmətdə olarkən Xocalıda azərbaycanlılara zülm edilirdi və əsgərlikdən qayıdandan sonra dərhal Xocalıya gəlib. Kəmalə Heydərova qardaşına verilən “Milli Qəhrəman” adının ailələri üçün böyük fəxr olduğunu qeyd edib və Prezidentə təşəkkürünü bildirib. O vurğulayıb ki, belə qəhrəmanlarımızın sayının çox olması ölkənin gücünü göstərir və 44 günlük müharibədə əldə edilən qələbə şəhidlər, qazilər və veteranların şücaəti sayəsində mümkün olub.