Bu gün Qaradağlı faciəsindən 34-cü ildönümüdür. 1992-ci il fevralın 17-də Xocavənd rayonunun Qaradağlı kəndi erməni silahlıları tərəfindən işğal olunaraq yandırılıb. Hücum zamanı 118 nəfər əsir götürülüb, onlardan 68-i qətlə yetirilib. Ümumilikdə kəndin 91 sakini öldürülüb, yüzlərlə insan yaralanıb və ya girov götürülüb, 800-ə yaxın sakin məcburi köçkün düşüb. Qaradağlı 2020-ci il 10 noyabr bəyanatından sonra Rusiya sülhməramlılarının nəzarətinə keçib, 2023-cü ilin sentyabrında keçirilən lokal antiterror tədbirlərindən sonra Azərbaycanın tam nəzarətinə qaytarılıb.