Prezident İlham Əliyev Asiya İnkişaf Bankının prezidenti Masato Kandanın rəhbərlik etdiyi nümayəndə heyətini qəbul edib. Görüşdə 1999-cu ildən indiyədək Asiya İnkişaf Bankı tərəfindən Azərbaycana nəqliyyat, enerji, su təchizatı, səhiyyə və digər sahələr üzrə 145 layihə üçün 5,5 milyard dollar maliyyə dəstəyi göstərildiyi vurğulanıb.İlham Əliyev və nümayəndə heyəti yeni layihələr, o cümlədən dəmir yolu, metro şəbəkəsi və su təchizatı sahəsində əməkdaşlıq imkanlarını müzakirə ediblər. Görüşdə Azərbaycan-Ermənistan sülh gündəliyi və regionun nəqliyyat-tranzit imkanlarının genişləndirilməsi də diqqət mərkəzində olub.