Futbol üzrə İslandiya millisi Azərbaycan yığması ilə oyunda yaxşı nəticə qazanmağa məcburdur.Bu barədə komandanın baş məşqçisi Arnar Qunnlauqsson mətbuat konfransında deyib.
"Komandamız üçün vacib görüşdür. Pley-off şanslarını saxlamaq üçün bu matçda nəticə qazanmağa məcburuq. İnanırıq ki, hər şey bizim üçün yaxşı olacaq", - deyə mütəxəssis əlavə edib. O bildirib ki, rəqib əvvəlki kimi eyni taktika ilə oynayır, lakin bu dəfə daha istəkli mübarizə aparır. Qunnlauqsson ilk oyunda 5:0 hesablı qələbəyə baxmayaraq, Azərbaycan millisinin həmin qarşılaşmada pis təsir bağışlamadığını vurğulayıb. Mütəxəssis futbolda hər şeyin mümkün olduğunu xatırladıb: “Bəzən favorit olmayan komanda da qələbə qazana bilir”-deyə o, əlavə edib..