Ölkənin müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələr Xocalının Daşbulaq və Badara, Ağdərənin Vəngli kəndlərinə yola salınıb. Bu mərhələdə Daşbulağa 9 ailə (31 nəfər), Badaraya 6 ailə (19 nəfər), Vəngliyə isə 11 ailə (45 nəfər) köçürülür. Bununla da Daşbulaq kəndinə qayıdan ailələrin sayı 30-a, yəni 122 nəfərə, Badaraya köçürülən ailələrin sayı 37-yə, yəni 136 nəfərə, Vəngliyə qayıdan ailələrin sayı isə 96-ya, yəni 374 nəfərə çatacaq.