Prezident İlham Əliyev Çinin "China Datang Corporation Ltd." şirkətinin sədri Lü Cün və nümayəndə heyətini qəbul edib. Dövlət başçısı görüşdə əməkdaşlığın perspektivlərini müzakirə etməyin vacibliyini vurğulayıb, Azərbaycan-Çin strateji tərəfdaşlıq əlaqələrinin daha da genişləndiyini qeyd edib. Ölkəmizdə çox sayda Çin şirkətinin fəaliyyət göstərdiyini deyən Prezident İlham Əliyev Azərbaycanla Çin arasında vizasız gediş-gəliş rejiminin tətbiqindən sonra Çindən ölkəmizə gələn turistlərin sayının artdığını qeyd edib. Söhbət zamanı enerji keçidi, yaşıl enerji və yaşıl sənaye parkı layihələri ilə bağlı fikir mübadiləsi aparılıb.