Dövlət İmtahan Mərkəzi noyabrın 13-də taksi sürücüləri üçün növbəti imtahan keçirəcək. İmtahanda 1679 nəfər iştirak edəcək və iki məkanda – Bakıdakı elektron imtahanlar korpusu və Gəncədəki Vaqif Əliyev adına 12 nömrəli orta məktəbdə keçiriləcək. İmtahan 1 saat davam edəcək və namizədlər sürücülərin etik davranışı və sərnişin daşımalarını tənzimləyən qanunvericilik üzrə 20 test tapşırığı yerinə yetirəcəklər. 10 və daha çox bal toplayanlara 7 il müddətinə etibarlı sertifikat veriləcək. Namizədlər “İmtahana buraxılış vərəqəsi” və şəxsiyyət vəsiqəsi ilə imtahana gəlməlidirlər. Nəticələr isə imtahandan sonrakı gün DİM-in saytında açıqlanacaq.