Prezident İlham Əliyev Slovakiya Baş nazirinin müavini və müdafiə naziri Robert Kalinakın rəhbərlik etdiyi nümayəndə heyətini qəbul edib. Tərəflər Azərbaycanla Slovakiya arasında strateji tərəfdaşlığa əsaslanan münasibətlərin inkişafından məmnunluq ifadə edib, hərbi və hərbi-sənaye sahələrində əməkdaşlığın genişləndirilməsi imkanlarını müzakirə ediblər. Həmçinin Slovakiyanın Azərbaycan-Avropa İttifaqı və Azərbaycan-NATO əlaqələrinin genişləndirilməsinə göstərdiyi dəstəyə toxunulub. Qeyd edək ki, Robert Kalinak və onun rəhbərlik etdiyi nümayəndə heyəti sabah Bakıda keçiriləcək Vətən müharibəsində Qələbənin beşinci ildönümünə həsr olunmuş hərbi paradı izləyəcək.