Əmək və Əhalinin Sosial Müdafiəsi Nazirliyinin Sosial Xidmətlər Agentliyi Gəncədə “Himayədar ailə” qayğı modeli barədə ictimai dinləmə təşkil edib. “Uşaq Hüquqları Aylığı” çərçivəsində keçirilən tədbirdə valideyn himayəsindən məhrum uşaqlar üçün ailə mühitində qayğının əhəmiyyəti vurğulanıb. İştirakçılara himayədar valideyn olma meyarları, müraciət qaydaları və qiymətləndirmə prosesi barədə məlumat verilib.