Müdafiə naziri general-polkovnik Zakir Həsənov Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Fergus Auld ilə görüşüb. Görüşdə tərəflər hərbi sahədə əməkdaşlığın inkişaf perspektivlərini, regional təhlükəsizlik məsələlərini və qarşılıqlı maraq doğuran digər mövzuları müzakirə ediblər. Nazir Zakir Həsənov əlaqələrin hər iki tərəfin ordusunun inkişafına töhfə verəcəyini vurğulayıb, səfir isə əməkdaşlığın mövcud vəziyyətindən məmnunluğunu ifadə edib. Görüşdə Krallığın Azərbaycandakı hərbi attaşesi Gavin Tarbard da iştirak edib.