Azərbaycanın ikinci böyük şəhəri - Gəncə III MDB Oyunlarına ev sahibliyi edəcək. Bu barədə jurnalistlərə Azərbaycanın gənclər və idman nazirinin müavini Mariana Vasileva məlumat verib. Qurum rəsmisinin sözlərinə görə Azərbaycanda 2025-ci ildə keçiriləcək III MDB Oyunları Gəncədə təşkil ediləcək. O bildirib ki, Azərbaycanın Bakıdan sonra ikinci ən böyük şəhərində bu məqsədlə yeni müasir kompleks tikilir. II MDB Oyunları hazırda Belarusda keçirilir və millimiz müxtəlif idman növlərində həmin yarışda təmsil olunur.