Azərbaycan Basketbol Liqasında Gəncənin eyni adlı komandası “Sərhədçi” İdman Mərkəzində “Sabah”a qarşı final seriyasının 4-cü oyununa çıxıb. Zədə səbəbindən sarı-göylərin aparıcı simalarından olan Amil Həmzəyev oyunda komandasına kömək edə bilməyib. buna baxmayaraq rəqibini 93:90 hesabı ilə məğlub edən Nizami yurdunun təmsilçisi ümumi hesabı bərabərləşdirməyi bacarıb - 2:2. Final seriyasının sonuncu - beşinci görüşü mayın 30-da gerçəkləşəcək.