Azərbaycan Dövlət Aqrar universitetinin Tədris- təcrübə təsərrüfatında Ulu Öndər Heydər Əliyevin 100 illik yubileyi münasibətilə ağacəkmə aksiyası keçirilib. Ekoloji tədbirdə universitetin tələbələri, pedoqoji heyət və USAİD rəhbərliyi fəal iştirak edib. 100 hektar ərazini əhatə edən təcrübə təsərrüfatının 8 hektarlıq hissəsində müxtəlif növ meyvə ağacları əkilib. Aksiyanın ardından ərazidə qurulan çadırlarda sərgi təşkil olunub. Milli mədəni ənənələrimizi əks etdirən təamlar nümayiş etdirilib. Xalqımızın qədim bayramı olan Novruzdan bəhs olunub.