Macarıstana rəsmi səfəri çərçivəsində Budapeştdə Azərbaycan Prezidenti İlham Əliyevin bu ölkənin Baş naziri Viktor Orban ilə məhdud tərkibdə görüşü olub.

Daha sonra Prezident İlham Əliyevin Baş nazir Viktor Orban ilə geniş tərkibdə görüşü keçirilib. "Azərbaycan və Macarıstan öz münasibətlərini artıq strateji tərəfdaşlıq kimi müəyyən edib. Tərəfdaşlığımız üçün artıq çox möhkəm zəmin yaranıb" deyən dövlətimizin başçısı Qarabağ bölgəsində yenidənqurma işlərində macar şirkətlərini görməyə ümid etdiklərini vurğulayıb.