Ağstafa ictimaiyyəti də şəhidlərimizin xatirəsinə ucaldılan əbədi məşəl və abidə komleksinin qarşısına əklil və tər çiçəklər düzərək vətən igidlərinin xatirəsini dərin ehtiramla yad ediblər. Şəhidlər Xiyabanında onların məzarları önünüdə ruhlarına dualar oxunub. II Qarabağ müharibəsi zamanı şəhidlərimizin qisasının alındığı, Ali Baş Komandan İlham Əliyevin sərkərdəliyi ilə qəhrəman oğullarımızın sayəsində 30 illik vətən həsrətinə son qoyulduğu qeyd edilib. Şəhidlik zirvəsinə ucalan qəhrəmanlarımızın xatirəsini əbədiləşdirmək məqsədi ilə Ağstafanın Heydər Əliyev adına parkında 50-dən artıq şam ağacı əkilib.