Fransada bir qrup erməni Azərbaycan səfirliyinin mədəniyyət mərkəzinə hücum etməyə çalışıb. Polisin müdaxiləsi nəticəsində hücumun qarşısı alınıb. Ermənilər mədəniyyət mərkəzinin binasına yalnız rəngli boya atmağa nail olublar. Polis təxribatçıları hadisə yerindən uzaqlaşdırıb. Bu zaman Azərbaycanın UNESCO yanında Daimi Nümayəndəliyinin təşkilatçılığı ilə mərkəzdə Azərbaycan mədəni irsinin dağıdılmasına həsr edilmiş tədbir keçirilirdi. Mərkəzə tədbirə gələn fransalı qonaqlar erməni radikalların təxribatının şahidi olublar və bu əməlləri pisləyiblər. Qonaqlar və işçilər arasında xəsarət alan olmayıb.