Prezident İlham Əliyev Daxili İşlər Nazirliyinin bir qrup zabitlərinə polis general-mayoru ali xüsusi rütbəsi verib. Eləcə də nazirliyin bir qrup əməkdaşı 3-cü dərəcəli “Vətənə xidmətə görə” ordeni, “Vətən uğrunda” və “İgidliyə görə” medalları ilə təltif olunublar. Dövlət başçısının digər ;sərəncamları ilə Bakı, Lənkəran və Sumqayıt Ağır Cinayətlər Məhkəmələrinə, Bakı, Şəki və Şirvan İnzibati Məhkəmələrinə, Bakı, Gəncə və Sumqayıt Kommersiya Məhkəmələrinə, Bakı şəhərinin rayonları, Ağcabədi, Bərdə, Gəncə, Goranboy, Xaçmaz, Qusar, Lənkəran, Mingəçevir, Sabirabad, Şəmkir, Şirvan, Tovuz və Yevlax Məhkəmələrinə hakimlər təyin edilib. Eləcə də Gəncə Şəhər Məhkəməsinin sədri, sədrinin müavini və hakimləri təyin olunub.