• KƏPƏZ TV
    canlı yayım
Bu günə xəbərlərin oxunma sayı: 695
— 14.06.2022 19:29

Futbolun İnkişaf Fondunun əməkdaşları Gəncədə

KepezTV Player

Futbolun İnkişaf Fondunun icraçı direktoru Tural Piriyev və fondun əməkdaşları Gəncədə olublar.

Səfər çərçivəsində şəhər stadionunda “Kəpəz” klubunun icraçı direktoru İlqar Nadiri ilə görüş keçirilib. Qarşıdakı mövsümdən Premyer Liqada mübarizə aparacaq Gəncə təmsilçisinə sponsorların və ianələrin cəlb olunması istiqamətində fikir mübadiləsi aparılıb. Bu planda həyata keçirilməsi nəzərdə tutulan layihələr, həmçinin qarşılıqlı əməkdaşlıq əlaqələrinin perspektivləri müzakirə edilib. Stadionda oyun gününün yadda qalan, maraqlı təşkili yönündə mövcud vəziyyətdə reallaşdırılması mümkun ola biləcək ideyalar nəzərdən keçirilib. Bu yöndə bir sıra kreativ fikirlər irəli sürülüb, qarşıda duran hədəflər müəyyən edilib.