"Tekstil və yüngül sənayedə dizayn, texnologiya və innovasiya” mövzusunda Azərbaycan Texnologiya Universitetində keçirilən beynəlxalq elmi-praktik konfrans bu gün 8 istiqamət üzrə panel iclaslarla işini yekunlaşdıracaq. Hibrid formatda təşkil edilən 2 günlük tədbirdə12 ölkənin, eləcə də ölkə universitetlərinin bir çoxunun elm adamları iştirak edir.Konfransın plenar iclaslarında inkişaf etmiş ölkələrin geniş texnoloji imkanlarının elmi innovasiyaların elm tutumlu sənayeyə tətbiqi ilə bağlı məqamlara toxunulub,müxtəlif məruzələr dinlənilib. Ümummilli lider Heydər Əliyevin anadan olmasının 99 illiyinə həsr olunmuş konfransın məcmuələr toplusuna 30-dan çoxu xarici ölkələrdən olmaqla 150-dən artıq tezis daxil edilib.