Ölümlə nəticələnən daha bir qəza paytaxtda qeydə alınıb. Səbail rayonunda, Dövlət Bayrağı Meydanının qarşısında 1976-cı il təvəllüdlü Aslanova Sevinc Tərlan qızı işlədiyi restorandan çıxaraq yolun piyadalar üçün müəyyən edilməmiş hissəsindən əks tərəfə keçmək istəyib. Həmin vaxt onu 1998-ci il təvəllüdlü Əliyev Murad Qorxmaz oğlunun sürdüyü “Chevrolet” markalı avtomobil vurub. Qadın aldığı xəsarətlərdən hadisə yerində ölüb. Sürücü saxlanılıb. Araşdırma aparılır.