Gəncədə yol-nəqliyyat hadisəsi baş verib. Hadisə şəhərin dəmiryolu ərazisində, Tereşkova küçəsində qeydə alınıb. Hərəkətdə olan "OKA”, "VAZ 21010, "Mercedes” markalı avtomobillər toqquşub. Qəzadan sonra avtomobillərdən biri yol kənarında dayanan, 6 nömrəli marşrut xətti üzrə xidmət göstərən "Hyundai" markalı sərnişin avtobusuna çırpılıb. Qəza zamanı xəsarət alanların olduğu bildirilir.Hadisə yerinə DYP əməkdaşları cəlb olunub. Faktla bağlı araşdırma aparılır.