Hazırda ölkədə 500 direktor vəzifəsi boşdur. Bu barədə təhsil naziri Emin Əmrullayev dövlət başçısının dünən təhsillə bağlı imzaladığı sərəncamlara dair brifinqdə məlumat verib. Nazir onu da qeyd edib ki, məktəbəqədər təhsilə dair vahid məlumat bazası yaradılacaq. Dövlət uşaq bağçalarında tədris aparacaq şəxslərin işə qəbulu müəllimlərin işə qəbulu üzrə tətbiq olunan oxşar prinsiplə həyata keçiriləcək. Nazir regional təhsil idarələrinin yaradılması ilə rayon və şəhər təhsil şöbələrinin ləğvi məsələsinə də aydınlıq gətirib.