Şəmkir rayonu, Sabirkənd kəndində tikinti materialları bazarında yanğın olub. FHN-in Dövlət Yanğından Mühafizə Xidmətinin Şəmkir rayon Yanğından Mühafizə Hissəsinin müvafiq texnika və canlı qüvvəsi dərhal əraziyə cəlb edilib. Alov geniş əraziyə yayılmasının qarşısı alınaraq söndürülüb. Yanğın nəticəsində ümumi sahəsi 70m² olan tikinti materialları mağazası və ofisi, həmin tikiliyə bitişik talvar yanıb. Digər mağazalar yanğından mühafizə olunub.