"İndi Zəngilanın yeni dövrü başlayır və şəhərin baş planı artıq hazırlanır. Bir xarici şirkət müsabiqədə qalib gəldi və hesab edirəm ki, yaxın aylarda baş plan təqdim ediləcək". Prezident İlham Əliyev Zəngilan ictimaiyyətinin nümayəndələri ilə görüşdə deyib ki, bütün təbii gözəlliklər nəzərə alınaraq Zəngilanda müasir, çox gözəl bir şəhər, kəndlər qurulacaq. Artıq bəzi binalar hazırdır və çalışacağıq ki, gələn ilin əvvəli, bəlkə də bu ilin sonu zəngilanlıları Zəngilana köçürməyə başlayaq.