Azərbaycanda QİÇS-in ilk dəfə qeydə alındığı 1987-ci ildən 2021-ci ilədək Respublika QİÇS-lə Mübarizə Mərkəzinə rəsmi olaraq 7552 immunçatışmazlığı infeksiyası ilə yaşayan xəstə qeydiyyata alınıb. Onlardan təxminən 70 faizi kişilər təşkil edir. Azərbaycanın qanunvericilik aktları üzrə İİV-infeksiyasının diaqnozu klinik, laborator və epidemioloji məlumatlar əsasında Respublika QİÇS-lə Mübarizə Mərkəzinin Ekspert Şurasının qərarı ilə qəbul edilir və təsdiqlənir. Yoluxma təsdiq olunan insanlar Respublika QİÇS-lə Mübarizə Mərkəzinə müraciət etməlidirlər, onlar burada qeydiyyata alınır və həmin vaxtdan etiotrop antiretrovirus terapiyasına qoşulur.