“Qarabağ dost proqramı” çərçivəsində Cəbrayıl və ya Füzilidə DOST mərkəzinin açılması planlaşdırılır. Bunu Əmək və Əhalinin Sosial Müdafiəsi yanında Dayanıqlı və Operativ Sosial Təminat Agentliyinin İdarə Heyətinin sədri Fərid Məmmədov deyib. Onun sözlərinə görə, eyni zamanda Şuşada da DOST mərkəzinin filialı açılacaq. Ümumilikdə Qarabağda 2 DOST mərkəzinin açılışı planlaşdırılır. Gələn il Sumqayıt və Gəncədə DOST mərkəzlərinin açılması nəzərdə tutulur.