Daha sonra Ceyhun Bayramovun Ann Linde ilə görüşü keçirilib. Görüşdə hər iki tərəfdən geniş tərkibli nümayəndə heyətləri iştirak ediblər. Nazirlər Azərbaycanın ATƏT ilə əməkdaşlığı məsələləri ətrafında fikir mübadiləsi aparıblar. ATƏT-in hər üç ölçüsü üzrə Azərbaycanın təşkilatla əməkdaşlığı, həyata keçirilən layihələr, gələcək planları müzakirə ediblər. Ann Linde bölgədə mövcud olan cari vəziyyətdə ATƏT-in töhfə verə biləcəyi məsələlərin müəyyən edilməsinin əhəmiyyətini bildirib.