• KƏPƏZ TV
    canlı yayım
Bu günə xəbərlərin oxunma sayı: 2586
— 23.02.2021 12:09

Yol polisi sürücü və piyadalara müraciət edib

KepezTV Player

Ekologiya və Təbii Sərvətlər Nazirliyi Milli Hidrometeorologiya Xidmətinin məlumatına görə, bölgələrdə hava şəraiti kəskin dəyişəcək, qarlı və küləkli hava çovğuna səbəb olacaq, yollar buz bağlayacaq. Bununla əlaqədar Baş Dövlət Yol Polisi İdarəsi sürücü və piyadalara müraciət edib. Sürücülər yollarda yüksək sürətdən və sərt manevrlərdən çəkinməli, yola çıxmazdan əvvəl nəqliyyat vasitəsinin sazlığına nəzarət etməlidirlər.

Piyadalar da yollarda təhlükəsizlik tədbirlərinə daha ciddi riayət etməli, qaranlıq vaxtı və ya məhdud görünmə şəraitində yola çıxarkən əlvan geyimlərə üstünlük verməli, binaların yaxınlığında hərəkət edərkən mümkün qədər təhlükəsiz yerləri seçməlidirlər. Eyni zamanda güclü küləkli hava şəraitində nəqliyyat vasitələrinin çoxmərtəbəli binaların yaxınlığında, eyvanların altında saxlanılması və aşmağa meyilli ağacların ətrafında park edilməsi də təhlükəlidir.