Gəncədə əvvəllər qeyri-rəsmi nikahda olduğu qadını bıçaqlayan şəxs saxlanılıb. Yataqxanaların birində şəhər sakini, 56 yaşlı Zərəfşan İbrahimova ilə əvvəllər qeyri-rəsmi nikahda yaşadığı 64 yaşlı İlham Həsənov arasında mübahisə yaranıb. Bu zaman Həsənov qadına başından butulka ilə xəsarət yetirib və qarın nahiyəsindən bıçaqlayıb. Yaralı Gəncə şəhər Təcili Tibbi Yardım Xəstəxanasının Cərrahiyyə Şöbəsinə yerləşdirilib. Vəziyyəti orta-ağır qiymətləndirilib. Hadisəni törədən şəxs saxlanılıb. Fakt üzrə cinayət işi açılıb.