Astarada toy mərasimi təşkil etmək istəyənlər cərimələnib. Rayon Polis Şöbəsinə şəhər sakini Elçin Şiriyevin oğluna toy təşkil etməsi barədə məlumat daxil olub.Dərhal polis əməkdaşları sözügedən ünvana gələrək mərasimi dayandırıblar. Bəy Azad Şirizadə və digər qonaqlar saxlanılaraq polis şöbəsinə gətiriliblər. Şöbədə onlarla profilaktik söhbətlər aparılaraq karantin rejiminin qaydaları izah olunub. Şiriyev barəsində toplanmış materiallar məhkəməyə göndərilib, karantin rejiminin tələblərini pozduqları üçün 7 nəfərlə bağlı isə protokol tərtib edilərək cərimə olunublar.