Dünyada yeni tip koronavirusdan ölənlərin sayı 30 mini keçib. Koronavirusa yoluxanların sayı isə  650 minə yaxınlaşıb. Yoluxma sayına görə ABŞ, ölüm sayına görə isə İtaliya ilk yeri tutur. ABŞ-da virusa yoluxanların sayı 121 min 117 nəfər olub. İtaliyada son 24 saat ərzində COVID-19 virusuna yoluxmuş 889 nəfər vəfat edib. Bu barədə İtaliya Səhiyyə Nazirliyi məlumat yayıb. Ölkədə ümumilikdə koronavirusdan ölənlərin sayı 10023-ə çatıb. Son 24 saat ərzində 5974 yeni yoluxma faktı qeydə alınıb ki, bununla da ümumilikdə virusa yoluxanların sayı 92474-ə yüksəlib. Koronavirusun ən çox yayıldığı Lombardiya əyalətində son sutka ərzində 542 ölüm faktı qeydə alınıb.