İndi cəmiyyətdə az qala bütün qüsurlara, çatışmazlıqlara görə interneti günahkar bilirlər. Gənclər kitab oxumurlar – təqsir internetdədir, insanlar arasında real ünsiyyət azalıb – yenə günahkar internetdir. Bəs, həqiqətənmi belədir?

Belə bir təsəvvür yaranır ki, internet insanların bəlasına çevrilib. Halbu ki, internetdən böyük fayda da görmək olar. Bu gün bu faydalar barədə danışacağıq. Hər halda, bəzən dəyərini bilmədiyimiz internet bizə, keyfiyyətli təhsil, maraqlı xəbərlər, təcili anlarda bank xidmətləri təqdim edir. Bundan əlavə onlayn alış-veriş də vaxta qənaət etməyə imkan yaradır. Amma bu onun zərərli tərəflərinin olmadığı anlamına gəlmir.

İnternet elə həyatın özü kimidir. Kimsə ondan öz xeyri üçün istifadə edir, kimsə də yalnız zərər görür.